डाक्टरले मस्तिष्कको शल्यक्रिया गर्दा बिरामी आफैले बजाए मादल

छपन्न वर्षीय बुढालाई ‘डिस्टोनिया’ नामको स्नायुप्रणाली सम्बन्धी रोग लागेको थियो ।

हालै काठमाण्डूको एक अस्पतालमा मस्तिष्कको शल्यक्रिया गरेपछि उनी रोगमुक्त भएका छन् ।

शल्यक्रियाको क्रममा बुढाले आफैँले मादल बजाउँदै चिकित्सकलाई आफ्नो उपचारमा सघाएका थिए । बिरामीसँग गफ गर्दै डाक्टरहरूले अप्रेसन गरिरहेका छन् । बिरामीले पनि उत्साहित हुँदै मादल बजाइरहेको भिडियोमा देख्न सकिन्छ ।

यस्तो उपचार नेपालमा दुर्लभ भएको न्यूरोसर्जन डा. वसन्त पन्तले बताएका छन्। हेर्नुहोस् बीबीसी नेपाली सेवाका कमल परियारले बनाएको एउटा भिडिओ रिपोर्ट ।